ويقولونلك نقدم الأفضل !؟

 فيما يلي تحليل للمنتجات الغذائية اللي ناكلها في المطاعم مقدمه من  واحد من المواقع اللي اتابعها باستمرار و لهم منشوراتهم   Foodmatters.tvفي التغذية التوعوية والصحية  

يرصد هالموقع و يراقب آخر الاستفتاآت و الدراسات العلمية و يتقابل مع أخصائيي التغذية و يناقشهم عشان يقدم بين فترة و فترة  معلومات مهمة، آخرها اللي قاعد أترجمه لكم اليوم.

أسوء و جبات سريعة ممكن تتناولها و تظن انها صحيةأو مفيدة ( و حذفت من اللسته اللي يمكن مو موجود بالكويت بس تقدرون تشوفون اللستة كاملة  على اللنك الموجود في آخر البوست

Baskin-Robbins Large Chocolate Oreo Shake

من المشروبات اللي يقدمها باسكن روبنز و يتراولي مفهوم سبب خطورتها لوجود كميات من السكر تصل الى 263 غرام بالاضافة الى كونه يعادل 2600 كالوري يعني مقدار ما يحتاجه جسمك في اليوم الكامل غير وجود أكثر من 70 مركب كيميائي غير الدهون الثلاثية المشبعة اللي تعادل ما يحتاجه جسمك في ثلاث أيام. و كل هل الكابوس ينشرب في أقل من 10 دقايق

2-worst-drink

يقدم مطعم Chili’s  هالوجبة العجيبة و المخيفة من الأكل المكسيكي

Chili’s Fajita Quesadillas Beef with Rice and Beans Flour Tortillas, and Condiments

هالوجبة تجمع وجبتين غنيتين بالصويوم و السعرات في وجبة وحدة ! الوجبة هذي تعادل 12 حبة دونت من كرسبي كريم و الصوديوم اللي فيها يعادل 194 قطعم من الكراكرز المالحة و الدهون المشبعة ما يعادل 44 قطعة من البيكون !! لا و نطلب مع الأوردر حلو و مشروبات غازية بعد

  5-worst-mexican

Romano’s Macaroni Grill Parmesan Crusted Sole

السمك في العادة يكون من الوجبات الصحية اللي تضمن فيها سهولة الهضم، لكن أصحاب سلسلة مطاعم رومانو قرروا يقدمون شي يشككنا في هالحقيقة. في وجبة وحدة راح تاخذ كل المسموح لك تناول خلال يوم كامل من الدهون المشبعة و السعرات و الصوديوم!

6-wr_0

P.F. Chang’s Combo Lo Mein

الطبق هذا يعد من الأطباق الجانبية اللي المفروض تاكله مع أي طبق بروتيني رئيسي من الدجا أو اللحم. لكن الله خير هالطبق جمعلك كل أنوع اللحم سواء دجاج أو ربيان أو لحم بقر ( و في مطاعم أمريكا يضاف له لحم الخنزير عشان تزيد الصحه ) و النتيجة انك تاكل كل اللي مسموحلك من السعرات في وجبة واحدة بالاضافة الى المسموح ليوم و نص من الدهون و المسموح ليومين و نص من الصوديوم .. هذي هي الصحة و لا بلاش ! لها السبب يمكن هالمطعم دايماً يشجع على انك تشارك اللي معاك في اكلك.. يمكن عشان تنتهي الوجبة على خير

 7-worst-chinese_0

Chili’s Smokehouse Bacon Triple Cheese Big Mouth Burger with Jalapeno Ranch Dressing

تشليز مرة ثانية يتميز بتقديم الأروع صحياً في هالطبق و يتنافس مع روبي تيوزدي في رعايتك صحياً .. هذي الوجبة تغطي احتياجاتك للصوديوم خلال يومين و نص !!

 9-BigMouthBurger

Quizno’s Large Tuna Melt

العادة التونه تكون نجم النجوم من بين البروتينات المتنوعه لكن الشيف قرر يخليها تكون العكس، باضافة كميات غير معقولة من المايونيز التجاري بالاضافة الى زيادة حجم الساندويج اللي ممكن يكفي أثنين. و الصوديوم كالعاده للسقف

 10-worst-sandwich

IHOP’s The Big Steak Omelette

أتمنى هالطبق ما يكون ضمن قائمة الطعام اللي يقدمها هالمطعم اللي راح يفتح قريباً في الكويت. المطعم معروف باستخدامه اللا محدود للمارجرين اللي اهو عبارة عن أسوء نوع من الدهون ممكن تدخله جسمك، يعني أنا حاولت أوضح أهمية البيض في المقالة السابقة لكن لما يعد بهالطريقه مع كميات من اللحم البقري المجهول الهوية و المارجرين أيضاً، شتتخيل النتيجه تكون .. لا و هذا للإفطار بس !!

14-wr-1_0

Applebee’s Chicken Fajita Rollup

لا نعلم متى بالضبط قرروا عقلاء التغذية ان يخلون الرابس أو الخبز الخفيف المصنوع من الذرة يكون أفضل تعويض صحي لتناول الخبز العادي!! المشكله في هاللفا~ف اللي انت ما تقدر تاكلها خالية لعدم وجود أي طعم فيها، تنملي بالمنكهات و الصلصات اللي تعطيها طعه و نكهه يعني كميات من الدهون المشبعة و الصوديوم لا و كأن هذا ما يكفي تقدم البطاطا المقلية بزيوت الخضروات التجارية عشان تصل لذروة الصحة !!

15-worst-healthy-sandwich

 Ruby Tuesday Bacon Cheddar Minis

مرة ثانية روبي تيوزدي يتنافس لتقديم الأفضل، الوجبه هذي تبين انها مسالمة و صحية لكنها تعادل 7 حبات دونات من دانكن دونات .. حدها صحية


16worst-sliders

Cinnabon Regular Caramel Pecanbun

ريحة الدارسين أو القرفة كافية إنها تنومنا مغناطيسي و تسحبنا للستاند اللي يقدم فيه هذي المخبوزات اللذيذة، لكن للأسف اللي قاعد ناكله أبعد ما يكون عن الصحه كمية الدهون غير الصحية اللي مختبأه في طبقات قطعه واحدة من هالكيكات الصغيرة تعادل 8 وجبات همبورجر !!! متخيلين النتيجة !!

20-worst-mall-treat

اللستة المعروضه في الموقع تلاقونها في هاللنك

http://foodmatters.tv/articles-1/the-30-worst-foods-in-america-beware

و لفت نظري أحد المنجات المعروضة و اللي كنت أشتريها زمان و هي للأسف اتضح انها أسوء الفواكه المعلبة قاطبة

 Del Monte Peach Chunks Yellow Cling Peaches in Heavy Syrup

كمية السكر المضافة لهالفواكه اللي اهي أساساً مذاقها سكري يخليها تكون من المواد الضارة اللي نتناولها بدون ما نعرف. لما تبي تخزن فاكهه، لا تعلبها .. جففها أو ثلجها .. أساساً امكانيات استخدامها مجففه أو مثلجه كثيرة و أكثر من لما تكون معلبة و غرقانه بالمحليات الصناعية

30-worst-canned-fruit

 

Categories: Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s